وزیراعلیٰ پنجاب مریم نواز سے سپیکر پنجاب اسمبلی ملک محمد احمد خان نے ملاقات کی وزیراعلیٰ مریم نواز نے بجٹ اجلاس کے کامیاب انعقاد پر سپیکر پنجاب اسمبلی ملک محمد احمد خان کو مبارکباد دی۔
سپیکر پنجاب اسمبلی ملک محمد احمد خان کا عوامی فلاحی بجٹ پیش کرنے پر وزیراعلیٰ مریم نواز سے اظہار تشکرکیامریم نواز کا کہنا تھا کہ بجٹ2025-26 میں تعلیم، صحت اور ڈویلپمنٹ کے لئے سب سے زیادہ فنڈزمختص کرنے کا ریکارڈ قائم کیا گیا۔عوامی خدمت، فلاح و بہبود اور گڈگورننس کے اہداف کو ہر صورت پورا کیا جائے گا۔مسلم لیگ(ن)عوام کی جماعت ہے، صوبے بھر میں یکساں ترقیاتی کام کررہے ہیں۔طلبہ کولیپ ٹاپ اور ہونہار سکالر شپ دیکر احسان نہیں حق ادا کررہے ہیں۔میری پوری توجہ عوام کی فلاح و بہبود پر ہے ایک سال میں عوام کی بھرپور خدمت کی بہترین کاوش کی ہے،اس سال بھی کوشش جاری رہے گی۔ملک محمد محمد احمد خان کا کہنا تھا کہ وزیراعلیٰ مریم نواز نے ٹیکس فری بجٹ دیکر پنجاب کے عوام دل جیت لیے۔مریم نواز شریف نے ڈویلپمنٹ پراجیکٹس اور عوامی فلاحی اقدامات کے لئے قائد محمد نواز شریف اور وزیر اعظم شہباز شریف کی روایت کو عمدگی سے آگے بڑھایا ہے۔
