اداکارہ یشما گل نے اپنی دوست اداکارہ کومل میر کی ذاتی زندگی سے متعلق دلچسپ انکشاف کیا ہے۔
یشما گل نے ایک مزاحیہ شو میں شرکت کی جہاں انہوں نے میزبان کی جانب سے پوچھے گئے مختلف سوالات کے جواب دیے۔
شو کے دوران کومل میر کی بھی انٹری ہوئی جس پر میزبان نے مزاحیہ گفتگو کرتے ہوئے پوچھا کہ یہ کون ہے؟ اس کے جواب میں یشما گل نے کہا کہ کومل میر آج کل میری ایک دوست ہیں، ان کے بہت رشتے آرہے ہیں، یہ وہ اداکارہ ہیں جن کی گھروں میں کافی ڈیمانڈ ہے۔
اداکارہ نے مزید کہا کہ لوگ کومل میر کو اپنے گھروں کا تاج بنانا چاہتے ہیں، کومل میر کے رشتے آرہے ہیں، اسے شکر کرنا چاہیے اور میں اس کی شادی کروانے کی کوشش کررہی ہوں۔
میزبان کی جانب سے یشما گل سے پوچھا گیا کہ کیا آپ سنگل ہیں؟ اس کے جواب میں اداکارہ نے کہا کہ وہ ابھی سنگل ہیں لیکن شادی کرنے کی خواہش مند ہیں۔