ممبئی: بالی وڈ کی سینئر اداکارہ ہیما مالنی نے اپنے بیٹے کے لیے اداکار ابھیشیک بچن کو داماد بنانے کی خواہش ظاہر کی تھی، یہ انکشاف اداکارہ ایشا دیول نے بالی وڈ ہدایتکار کرن جوہر کے ساتھ ایک انٹرویو میں کیا۔
کرن جوہر نے انٹرویو کے دوران پوچھا کہ کیا ہیما مالنی نے ایشا سے کہا تھا کہ وہ ابھیشیک بچن کے ساتھ شادی کریں؟ اس سوال کے جواب میں ایشا دیول نے کہا:
“میری والدہ بے حد سویٹ ہیں۔ انہوں نے میرے سامنے ابھیشیک بچن کا نام اس لیے رکھا کیونکہ وہ اس وقت سب سے اہل بیچلر تھے۔ والدہ چاہتی تھیں کہ میں کسی اچھے انسان سے شادی کروں اور ابھیشیک میرے لیے بہترین لگ رہے تھے۔ لیکن میں نے انہیں بتایا کہ میں ابھیشیک سے شادی نہیں کرنا چاہتی کیونکہ میرے لیے وہ بڑے بھائی کی طرح ہیں، لہذا میں نے والدہ سے معذرت کرلی۔”
وویک اوبرائے کے نام کی خبریں مسترد
کرن جوہر نے مزید پوچھا کہ کیا ہیما مالنی نے وویک اوبرائے کا نام بھی شادی کے لیے رکھا تھا؟
ایشا دیول نے صاف انکار کرتے ہوئے کہا:
“ماں بہت کچھ سوچ سکتی ہیں، لیکن یقینی طور پر وویک میرے لیے نہیں، کیونکہ وہ میری ٹائپ کے نہیں تھے۔”
ایشا دیول کی شادی اور فیملی
واضح رہے کہ ایشا دیول نے بھرت تختانی سے 2012 میں شادی کی تھی۔ اس جوڑے کے ہاں 2017 اور 2019 میں دو بیٹیاں پیدا ہوئیں۔
بعد ازاں 2024 میں ایشا دیول اور بھرت تختانی نے شادی کے 12 سال بعد علیحدگی اختیار کر لی تھی۔
یہ انکشاف ہیما مالنی کی فیملی میں رشتوں کے حوالے سے دلچسپ معلومات فراہم کرتا ہے اور بالی وڈ کے مداحوں کے لیے کافی حیران کن ہے.
