ڈیرہ غازی خان میں قانون نافذ کرنے والے اداروں نے دہشتگردی کا منصوبہ ناکام بنا دیا۔
ترجمان پنجاب پولیس کے مطابق دہشتگردوں نے جادے والی قبرستان کے قریب دھماکا خیز ڈیوائس آئی ای ڈی نصب کی ہوئی تھی جس کا ہدف سکیورٹی فورسز تھیں۔
پولیس نے بتایا کہ پولیس، ایس آئی یو اور ایلیٹ فورس کی ٹیموں نے سرچ آپریشن کرتےہوئے دھماکا خیز مواد برآمد کیا جسے بم ڈسپوزل اسکواڈ نے ناکارہ بنا دیا۔
اس حوالے سے ڈی پی او ڈیرہ غازی خان نے مزید بتایا کہ پولیس اور فورسز کا قبائلی علاقوں میں سرچ آپریشن جاری ہے۔