اسلام آباد کے جی-11 سیکٹر میں کچہری کے قریب منگل کو دوپہر تقریباً ساڑھے بارہ بجے خودکش دھماکے کے نتیجے میں 12 افراد شہید اور 20 سے زائد زخمی ہو گئے۔
جیونیوز کے مطابق دھماکے کی شدت اتنی تھی کہ گاڑی میں آگ لگ گئی اور قریب کھڑی دیگر گاڑیاں بھی متاثر ہوئیں۔ پولیس ذرائع نے بتایا کہ دھماکا خودکش تھا اور جائے وقوعہ سے مبینہ خودکش حملہ آور کا سر بھی برآمد ہوا ہے۔
زخمیوں میں وکلا اور سائلین شامل ہیں، جنہیں فوری طور پر پمز اسپتال منتقل کر دیا گیا، جہاں ایمرجنسی نافذ کر دی گئی ہے۔ قانون نافذ کرنے والے اداروں نے جائے وقوعہ کو سیل کر دیا ہے۔
پولیس کا کہنا ہے کہ کچہری کے باہر ہونے والے دھماکے میں ہندوستانی اسپانسرڈ اور افغان طالبان کی پراکسی فتنہ الخوارج ملوث ہیں۔