قومی و پنجاب اسمبلی کے ضمنی انتخابات: پولنگ کا وقت مکمل، ووٹوں کی گنتی جاری

ملک بھر میں قومی اسمبلی کے 6 اور پنجاب اسمبلی کے 7 حلقوں میں ہونے والے ضمنی انتخابات کے لیے پولنگ کا عمل مکمل ہوگیا ہے اور ووٹوں کی گنتی جاری ہے۔ لاہور، فیصل آباد، ساہیوال، ڈیرہ غازی خان، سرگودھا، میانوالی، مظفرگڑھ اور ہری پور میں پولنگ صبح 8 بجے شروع ہوئی جو شام 5 بجے تک جاری رہی۔

پولنگ کے دوران دلچسپ اور اہم واقعات

فیصل آباد کے حلقہ این اے 104 میں معذور میاں بیوی ویل چیئر پر پولنگ اسٹیشن پہنچے اور اپنا ووٹ کاسٹ کیا۔
سرگودھا میں دلہا بارات سمیت ووٹ ڈالنے پہنچ گیا۔ اس نے اسسٹنٹ کمشنر کوٹ مومن کے دفتر میں ووٹ ڈالا اور کہا کہ “بارات لے جانے سے پہلے ووٹ ڈالنا ضروری سمجھا”۔

بے نظمی کی شکایت

پی پی 269 کے گورنمنٹ گرلز ہائی اسکول کرم داد پولنگ اسٹیشن میں پیپلز پارٹی اور آزاد امیدوار کے حامیوں میں دھاندلی کے الزامات کے باعث کچھ دیر کیلئے پولنگ روکنا پڑی، جس کے بعد عمل دوبارہ شروع کرایا گیا۔

سکیورٹی انتظامات

ترجمان الیکشن کمشنر پنجاب کے مطابق تمام پولنگ اسٹیشنز پر سکیورٹی کے سخت ترین انتظامات کیے گئے۔
پولنگ اسٹیشنز پر موبائل لے جانے کی اجازت نہیں تھی۔
الیکشن کمیشن اسلام آباد اور الیکشن کمشنر پنجاب کے دفاتر میں کنٹرول روم قائم کیے گئے۔

ملک بھر کے 2792 پولنگ اسٹیشنز میں سے 408 کو انتہائی حساس اور 1032 کو حساس قرار دیا گیا، جبکہ 20 ہزار سے زائد سکیورٹی اہلکار تعینات رہے۔

اہم حلقے اور امیدوار

این اے 18 (ہری پور)
• امیدوار: 9
• اہم مقابلہ:
• پی ٹی آئی حمایت یافتہ آزاد امیدوار شہرناز
• ن لیگ کے بابر نواز خان
• پیپلز پارٹی کی ارم فاطمہ

یہ نشست پی ٹی آئی کے عمر ایوب کی 9 مئی کیس میں سزا اور نااہلی کے بعد خالی ہوئی۔

این اے 96 (فیصل آباد)
• امیدوار: 16
• اہم مقابلہ:
• ن لیگ کے طلال بدر چوہدری
• متعدد آزاد امیدوار

نشست پی ٹی آئی کے رائے حیدر علی کھرل کی نااہلی کے باعث خالی ہوئی۔

این اے 104 (فیصل آباد)
• امیدوار: 5
• مقابلہ:
• ن لیگ کے راجہ دانیال
• 4 آزاد امیدوار

یہ نشست سنی اتحاد کونسل کے چیئرمین حامد رضا کی 9 مئی کیس میں سزا کے بعد خالی ہوئی۔

این اے 185 (ڈیرہ غازی خان)
• امیدوار: 8
• اہم مقابلہ:
• ن لیگ کے محمود قادر لغاری
• پیپلز پارٹی کے سردار دوست محمد کھوسہ

یہ نشست پی ٹی آئی کی زرتاج گل وزیر کی 9 مئی کیس میں سزا اور نااہلی کے باعث خالی ہوئی۔

پولنگ کا عمل مجموعی طور پر پرامن رہا، جبکہ نتائج کا سلسلہ مختلف پولنگ اسٹیشنوں سے موصول ہونا شروع ہوگیا ہے.