وزیرِاعلیٰ پنجاب مریم نواز شریف ایک بار پھر اپنی انتھک محنت، غیر معمولی جذبے اور عوامی خدمت کے وعدے پر قائم نظر آئیں۔ شدید بازو اور کندھے کے درد کے باعث ڈاکٹرز کی ہدایت پر انہوں نے “آرم سپورٹ بریس” پہن رکھا ہے، جس کا مقصد بازو کو آرام دینا اور دباؤ کم کرنا ہے۔
طبی ماہرین نے انہیں مکمل آرام کا مشورہ دیا، لیکن وہ اس کے باوجود آج دفتر آئیں اور معمول کے تمام فرائض سرانجام دیے۔ ان کے ہاتھ میں پین کلر بیگ بھی لگا ہوا تھا، جو ان کی تکلیف کی شدت کو ظاہر کرتا ہے، مگر ان کے چہرے پر عزم اور حوصلہ نمایاں تھا۔
دفتری ذرائع کے مطابق مریم نواز نے آج بھی اہم اجلاسوں کی صدارت کی، ترقیاتی منصوبوں پر بریفنگز لیں اور مختلف عوامی امور پر مشاورت جاری رکھی۔