ٹرائی نیشن سیریز: پاکستان، افغانستان، یو اے ای کے معاملات حتمی مرحلے میں داخل

پاکستان، افغانستان اور یو اے ای کے درمیان سہہ ملکی سیریز کے معاملات حتمی مرحلے میں داخل ہوگئے ہیں۔

ذرائع کا کہنا ہے کہ ایشین کرکٹ کونسل (اے سی سی) کے اجلاس کے موقع پر سائیڈ لائنز پر سیریز کو حتمی شکل دے دی جائے گی۔

ذرائع کے مطابق اے سی سی میٹنگز کے بعد سہہ ملکی سیریز کے شیڈول اور وینیوز کا اعلان بھی متوقع ہے اور تین ملکی سیریز متحدہ عرب امارات میں ایشیا کپ 2025 سے پہلے ہو گی۔

پاکستان نے اگست میں افغانستان کی میزبانی کرنی ہے مگر پی سی بی نے سیریز کی بجائے متحدہ عرب امارات میں سہہ ملکی سیریز کرانے کی تجویز دی تھی۔

واضح رہے کہ متحدہ عرب امارات میں سیریز کا مقصد ایشیا کپ سے قبل کنڈیشنز سے ہم آہنگ ہونا ہے۔

Related posts

مچل اسٹارک کی 176 کلومیٹر فی گھنٹہ کی گیند — اسپیڈو میٹر کی غلطی نے سب کو چونکا دیا

پاکستانی اسکواش پلیئر اشعب عرفان وینکوور مینز اوپن کے فائنل میں پہنچ گئے

سلطان آف جوہر ہاکی کپ: برطانیہ نے پاکستان کو شکست دے کر کانسی کا تمغہ جیت لیا