اتوار کو پاکستان کے خلاف ایشیا کپ ٹی ٹوئنٹی فائنل سے قبل بھارتی میڈیا اپنی ٹیم پر تحفظات کا اظہار کرنے لگا۔
سری لنکا سے سپرفور مرحلے کے میچ میں سپر اوور میں جیت کے باوجود بھارتی میڈیا کو ٹیم کی فکر ستانے لگی۔
بھارتی میڈیا کے مطابق بھارت کے 202 رنز کے جواب میں سری لنکا کا بھی 202 رنز بنانا آنکھیں کھول دینےکے لیےکافی ہے۔
بھارتی میڈیا کا کہنا ہےکہ سری لنکا ایک موقع پر جیت چکا تھا یہ سب کو تسلیم کرنا ہوگا، اب پاکستان کے خلاف فائنل میں تگڑا ہو کر کھیلنا پڑےگا۔
بھارتی میڈیا کے مطابق 14 ستمبر اور 21 ستمبر والا میچ بھلا کر کھیلنا ہوگا، 28 ستمبر والا میچ الگ ہوگا کیونکہ فائنل پاکستان سے ہے، اس بار چیمپئنز ٹرافی 2017 والی غلطی نہیں دہرانا ہو گی۔ تب بھی گروپ میچ میں یکطرفہ ہرایا اور فائنل میں مقابلہ ہوا تو اسے آسان لے لیا۔
بھارتی میڈیا کا کہنا ہےکہ چیمپئنز ٹرافی کے فائنل میں جو ہوا وہ سب کے سامنے ہے، بھارتی ٹیم کوجیت سے بھی سیکھنا ہوگا، غلطی نہیں کرنا ہوگی۔