آئی سی سی ٹی ٹوئنٹی ورلڈ کپ 2026 کے ابتدائی گروپس اور پاک–بھارت میچ سے متعلق اہم تفصیلات سامنے آگئی ہیں۔ ورلڈ کپ 7 فروری سے 8 مارچ 2026 تک کھیلا جائے گا، جبکہ مکمل شیڈول کا باضابطہ اعلان 25 نومبر کو کیا جائے گا۔
میڈیا رپورٹس کے مطابق ایونٹ میں شریک 20 ٹیموں کو 4 گروپس میں تقسیم کیا جائے گا، ہر گروپ میں 5 ٹیمیں ہوں گی۔ ہر گروپ سے 2 ٹاپ ٹیمیں سپر 8 مرحلے میں جگہ بنائیں گی۔
پاکستان اور بھارت ایک ہی گروپ میں
رپورٹس کے مطابق پاکستان اور بھارت کو ایک ہی گروپ میں رکھا گیا ہے، اور دونوں روایتی حریفوں کے درمیان ہائی وولٹیج مقابلہ 15 فروری کو کولمبو میں ہونے کا امکان ہے۔
پاکستان اور بھارت کے گروپ میں نیدرلینڈز، نمیبیا اور امریکا (USA) کی ٹیمیں شامل ہوسکتی ہیں۔
ممکنہ گروپس
گروپ (مشترکہ میزبان سری لنکا کا گروپ)
• سری لنکا
• آسٹریلیا
• زمبابوے
• آئرلینڈ
• عمان
دوسرا گروپ (پاک–بھارت گروپ)
• پاکستان
• بھارت
• نیدرلینڈز
• نمیبیا
• امریکا (USA)
تیسرا گروپ
• انگلینڈ
• ویسٹ انڈیز
• بنگلادیش
• نیپال
• اٹلی
چوتھا گروپ
• جنوبی افریقہ
• نیوزی لینڈ
• افغانستان
• یو اے ای
• کینیڈا
میچز کہاں ہوں گے؟
• بھارت میں میچز ممبئی، کولکتہ، چنئی، دہلی اور احمد آباد میں ہوں گے۔
• سری لنکا میں میچز کولمبو اور کینڈی میں ہوں گے۔
• پاکستان اپنی تمام گروپ میچز سری لنکا میں کھیلے گا۔
فائنل اور سیمی فائنلز کی تفصیلات
• ورلڈ کپ کا فائنل بھارتی شہر احمد آباد میں شیڈول ہے۔
• پاکستان کے فائنل میں پہنچنے کی صورت میں فائنل کولمبو منتقل کر دیا جائے گا۔
• سیمی فائنلز ممبئی اور کولکتہ میں ہوں گے، تاہم اگر پاکستان سیمی فائنل میں پہنچا تو اس کا میچ سری لنکا میں ہی منعقد ہوگا۔
آئی سی سی کی جانب سے باقاعدہ شیڈول جاری ہونے کے بعد گروپس اور وینیوز کی مکمل تصدیق ہو جائے گی۔
