46.4K
کراچی: اسٹیٹ بینک آف پاکستان نے مانیٹری پالیسی کا اعلان کرتے ہوئے شرح سود میں 50 بیسز پوائنٹس کی کمی کر دی ہے، جس کے بعد نئی شرح سود 10.50 فیصد مقرر کر دی گئی ہے۔
مرکزی بینک کی جانب سے جاری کردہ اعلامیے کے مطابق مانیٹری پالیسی کمیٹی نے مہنگائی کے رجحانات اور مجموعی معاشی صورتحال کا جائزہ لینے کے بعد شرح سود میں کمی کا فیصلہ کیا۔
معاشی تجزیہ کاروں کی جانب سے یہ توقع کی جا رہی تھی کہ شرح سود کو 11 فیصد پر برقرار رکھا جائے گا، تاہم مانیٹری پالیسی کمیٹی کے فیصلے نے مارکیٹ کو حیران کر دیا۔
یاد رہے کہ اسٹیٹ بینک نے اس سے قبل مئی 2025 میں شرح سود میں 100 بیسز پوائنٹس کی کمی کی تھی، جس کے بعد شرح سود طویل عرصے تک 11 فیصد پر برقرار رکھی گئی تھی۔
شرح سود میں حالیہ کمی سے کاروباری سرگرمیوں میں بہتری اور سرمایہ کاری کے فروغ کی امید ظاہر کی جا رہی ہے۔
