مقبول فیشن برانڈ کی جانب سے انوکھے ٹرانسپیرنٹ ملبوسات متعارف

بیلاروسی فیشن برانڈ زیڈ این ڈبلیو آر ان دنوں سوشل میڈیا پر اپنے منفرد ٹرانسیپنٹ ملبوسات کی وجہ سے موضوع بحث بنا ہوا ہے۔

زیڈ این ڈبلیو آر جو کہ بیلاروس کا ایک مشہور فیشن براند ہے، جوکہ اپنے انوکھے اور اچھوتے ڈزائزائن کی وجہ سے کافی شہرت رکھتا ہے یہاں تک کہ  بعض اوقات ان کے خیالات اتنے بے تکے ہوتے ہیں کہ وہ بالکل بے وقوفانہ لگتے ہیں، اسی روایت کو برقرار رکھتے ہوئے اس بار انہوں پلاسٹک ببل ریپ سے تیار کپڑوں کی رینج متعارف کرائی ہے۔

 یہ عجیب و غریب ملبوسات حال ہی میں زیڈ این ڈبلیو آر کے اسٹور میں دیکھے گئے جس کے بعد فوراً ہی اس کی ویڈیو شیئرنگ پلیٹ فارم پر وائرل ہو گئی جسے 100,000 سے زیادہ بار دیکھا گیا۔

اس ویڈیو میں دو ببل ریپ کے ملبوسات دکھائے گئے ہیں، ایک شفاف ڈریس جس کی قیمت 280 بیلاروسی روبلز یعنی ($86) ہے، جبکہ دوسری جیکٹ جس کی قیمت 380 روبلز یعنی ($116) ہے۔ بظاہر یہ نئی رینج نئے سال کی شام میں کچھ اچھوتے اور غیر معمولی لباس تلاش کرنے والوں کے لیے بنائی گئی تھی۔

اس ویڈیو کے کمنٹ باکس میں صارفین نے ملے جلے ردعمل کا اظہار کیا ہے، کسی نے اسے مذاق سمجھا جبکہ کسی نے ان ملبوسات کو “اینٹی اسٹریس” قرار دیتے ہوئے یہ پوچھا کہ کیا بڑے پلاسٹک ببلز کو پھاڑا جا سکتا ہے، جیسے کہ معمول کے ببل ریپ کے ببلز۔

اگر آپ زیڈ این ڈبلیو آر کے ان ملبوسات کو خریدنے کا ارادہ رکھتے ہیں تو آپ کو جلدی کرنا ہوگی کیونکہ اس برانڈ نے صرف 20 ڈریسز اور 20 جیکٹس کی محدود سیریز ہی متعارف کرائی ہے۔