اسلام آباد: پاکستان میں موبائل فونز کی درآمدات میں نمایاں اضافہ ریکارڈ کیا گیا ہے۔
سرکاری دستاویزات کے مطابق رواں مالی سال 2025-26 کی پہلی سہ ماہی (جولائی تا ستمبر) کے دوران ملک نے 50 کروڑ ڈالرز کے موبائل فونز درآمد کیے۔
یہ گزشتہ مالی سال کی اسی مدت کے مقابلے میں 103 فیصد زیادہ ہیں۔
ماہانہ بنیادوں پر 28 فیصد اضافہ
دستاویز کے مطابق ستمبر 2025 میں موبائل فونز کی درآمدات میں ماہانہ بنیادوں پر 28.58 فیصد اضافہ ریکارڈ کیا گیا۔
جبکہ سالانہ بنیادوں پر ستمبر 2025 میں درآمدات میں 94.48 فیصد اضافہ دیکھا گیا۔
گزشتہ سال کے مقابلے میں دوگنا حجم
اعداد و شمار کے مطابق:
• جولائی تا ستمبر 2025: 50 کروڑ ڈالرز کے موبائل درآمد
• جولائی تا ستمبر 2024: 24 کروڑ 62 لاکھ ڈالرز کے موبائل درآمد
یعنی ایک سال میں درآمدی حجم دو گنا سے زیادہ بڑھ گیا۔
ستمبر میں 19 کروڑ 95 لاکھ ڈالرز کے موبائل درآمد
دستاویز میں بتایا گیا ہے کہ صرف ستمبر 2025 میں پاکستان نے 19 کروڑ 95 لاکھ ڈالرز مالیت کے موبائل فونز درآمد کیے،
جبکہ ستمبر 2024 میں یہی حجم 10 کروڑ 26 لاکھ ڈالرز تھا۔
اسی طرح:
• اگست 2025 میں درآمدی مالیت 15 کروڑ 52 لاکھ ڈالرز رہی۔
• جولائی 2025 میں یہ رقم 14 کروڑ 53 لاکھ ڈالرز ریکارڈ کی گئی۔
درآمدات میں اضافے کی ممکنہ وجوہات
ماہرین کے مطابق موبائل فون درآمدات میں اس اضافے کی اہم وجوہات میں:
• روپے کے استحکام،
• درآمدی پابندیوں میں نرمی،
• اور مقامی مارکیٹ میں ہائی اینڈ اسمارٹ فونز کی بڑھتی طلب شامل ہیں۔
