کراچی: لیاری میں گھریلو جھگڑے پر شوہر نے بیوی کو قتل کردیا۔
پولیس کے مطابق لیاری میں مرزا آدم خان روڈ پر واقع کوئلہ گودام کے ایک گھر میں فائرنگ سے 45 سالہ خاتون جاں بحق ہوگئی، خاتون کی شناخت بختاور کے نام سے ہوئی جو 7 بچوں کی ماں تھی۔
پولیس نے بتایا کہ ابتدائی تحقیقات کے مطابق بختاور کو اس کے شوہر نواب نے فائرنگ کرکے قتل کیا، پولیس نے بروقت کارروائی کرتے ہوئے ملزم نواب کو گرفتار کرلیا اور واردات میں استعمال ہونے والا پستول بھی برآمد کر لیا۔
پولیس کے مطابق واقعہ گھریلو جھگڑے کا نتیجہ ہے، ملزم نواب اپنی بیوی پر موبائل فون پر بات کرنے کے حوالے سے شک کرتا تھا جس پر دونوں کے درمیان تلخ کلامی ہوئی اور بات فائرنگ تک جا پہنچی۔