اسلام آباد جوڈیشل کمپلیکس دھماکا: خودکش بمبار کے معاون دہشتگرد گرفتار، ٹی ٹی پی نیٹ ورک بے نقاب

اسلام آباد: انٹیلی جنس بیورو اور کاؤنٹر ٹیررازم ڈیپارٹمنٹ (سی ٹی ڈی) نے مشترکہ کارروائی کرتے ہوئے جوڈیشل کمپلیکس اسلام آباد کے باہر ہونے والے خودکش دھماکے میں ملوث ٹی ٹی پی فتنہ الخوارج کے دہشت گرد سیل کے 4 کارندوں کو گرفتار کرلیا ہے۔

ٹی ٹی پی کی افغانستان سے ہدایات — نیٹ ورک کی تفصیلات سامنے آگئیں

انٹیلی جنس ذرائع کے مطابق گرفتار دہشتگردوں نے دورانِ تفتیش انکشاف کیا ہے کہ حملے کی منصوبہ بندی افغانستان میں موجود ٹی ٹی پی کمانڈر سعید الرحمان عرف “داد اللہ” نے کی۔
• داد اللہ نے ٹیلیگرام ایپ کے ذریعے پاکستان میں موجود اپنے نیٹ ورک سے رابطہ کیا
• اور اسلام آباد میں خودکش حملہ کرنے کی ہدایت دی۔

دورانِ تفتیش ہینڈلر ساجد اللہ عرف “شینا” نے اعتراف کیا کہ:
• اسے ٹی ٹی پی کمانڈر داد اللہ نے
خودکش بمبار عثمان عرف “قاری” کی تصاویر بھیجی تھیں
• تاکہ وہ اسے پاکستان میں وصول کرے۔

خودکش بمبار عثمان عرف “قاری” کی شناخت
• تعلق: شینواری قبیلہ
• رہائش: ننگرہار، افغانستان
• ٹی ٹی پی کی افغانستان میں موجود اعلیٰ قیادت مسلسل نیٹ ورک کی رہنمائی کرتی رہی۔

پشاور سے خودکش جیکٹ اسلام آباد کیسے پہنچی؟

انٹیلی جنس ذرائع کے مطابق:
• ساجد اللہ نے پشاور سے خودکش جیکٹ حاصل کی
• افغانستان میں موجود قیادت کی ہدایات پر اسے اسلام آباد منتقل کیا
• دھماکے کے روز اسی نے عثمان عرف “قاری” کو خودکش جیکٹ پہنائی

پسِ منظر: تین روز قبل اسلام آباد میں الم ناک دھماکا

یاد رہے کہ تین روز قبل اسلام آباد ضلع کچہری کے باہر ہونے والے خودکش دھماکے میں:
• 12 افراد شہید
• 30 سے زائد زخمی ہوئے تھے

اس افسوسناک واقعے نے ملک بھر میں سیکیورٹی اداروں کو مزید الرٹ کر دیا تھا۔

کارروائی جاری

حکام کے مطابق گرفتار دہشت گردوں سے مزید تفتیش کی جا رہی ہے، جبکہ ٹی ٹی پی کے سرحد پار موجود نیٹ ورک کے خلاف بھی کارروائیاں تیز کر دی گئی ہیں۔