بابو صابو کے علاقے طلعت پارک میں دو افراد کے کنویں میں گرنے کا واقعہ پیش آیا۔ ریسکیو 1122 کے مطابق عینی شاہدین نے بتایا کہ دونوں افراد کنویں سے مٹی نکالنے گئے تھے اور پھنس گئے۔
اطلاع ملنے پر ویل ریسکیو ٹیم فوری طور پر موقع پر پہنچی اور آپریشن کرتے ہوئے دونوں افراد کو زندہ کنویں سے باہر نکال لیا۔ ریسکیو حکام کے مطابق متاثرہ افراد کو ابتدائی طبی امداد فراہم کرنے کے بعد ایڈوانس میڈیکل کیئر کے لیے جناح اسپتال منتقل کیا جا رہا ہے۔ریسکیو 1122 کے مطابق دونوں افراد کی جان خطرے سے باہر ہے۔