بالی وڈ اداکار سیف علی خان کی والدہ اداکارہ شرمیلا ٹیگور کینسر کے مرض میں مبتلا تھیں جو بغیر کیمو تھراپی کے صحتیاب ہوگئیں۔
بھارتی میڈیا کے مطابق شرمیلا ٹیگور کو 2023 میں کینسر کی تشخیص ہوئی، وہ پھیپھڑوں کے سرطان میں مبتلا تھیں لیکن انہوں نے اپنی بیماری کو سب سے چھپائے رکھا۔
میڈیا رپورٹس کے مطابق اداکارہ کی بیٹی سوہا علی خان نے ایک یوٹیوب چینل کو دیے گئے انٹرویو میں اپنی والدہ کی بیماری کا خلاصہ کیا۔
سوہا علی خان نے بتایا کہ ہم نے اپنے خاندان میں نقصان اٹھایا ہے اور ہم تناؤ کی صورتحال سے گزرے ہیں۔
انہوں نے کہا کہ میری والدہ ان چند لوگوں میں سے ہیں جن کو کینسر کی تشخیص انتہائی ابتدائی اسٹیج پر ہوئی تھی، یہ ہی وجہ ہے کہ والدہ کے علاج کے دوران کیمروتھراپی بھی نہیں ہوئی اور والدہ بلکل ٹھیک ہیں۔