ریاض: سعودی شہزادی جواہر بنت مساعد بن سعود بن عبدالعزیز آل سعود کی والدہ کا انتقال ہوگیا۔
سعودی خبر رساں ادارے کے مطابق شہزادی جواہر بنت مساعد بن سعود بن عبدالعزیز آل سعود کی والدہ کا انتقال پیر کے روز ہوا۔ ان کے انتقال کی خبر سعودی ایوان شاہی کی جانب سے جاری کی گئی۔
مرحومہ کی نماز جنازہ آج بروز منگل بعد نماز عصر امام ترکی بن عبداللہ مسجد ریاض میں ادا کی گئی۔
ریاض ریجن کے نائب گورنر شہزادہ محمد بن عبدالرحمان بن عبدالعزیز نے شہزادی جواہر بنت مساعد بن سعود بن عبدالعزیز آل سعودکی والدہ کی نماز جنازہ پڑھائی۔ نماز جنازہ میں سعودی شاہی خاندان کے افراد، سعودی حکام اور شہری شریک ہوئے۔
ایوان شاہی نے سعودی شہزادی کی والدہ کے لیے رحمت و مغفرت اور بلند درجات کی دعا کی ہے۔