بم کی جھوٹی اطلاع پر عازمین کو لے جانے والی پرواز کو انڈونیشیا میں ہنگامی لینڈنگ کرنا پڑی۔
سعودی میڈیا کے مطابق سعودی ائیرلائن کے طیارے نے حجاج کو لے کر جدہ سے عمان کے دارالحکومت مسقط کے لیے انڈونیشیا جانے سے پہلے اڑان بھری تھی جہاں اس نے جاوا کے مرکزی جزیرے پر واقع شہر سورابایا میں لینڈ کرنا تھا۔
تاہم انڈونیشیا کے دارالحکومت جکارتہ میں ہوائی ٹریفک کنٹرول افسران کو پرواز میں بم کی دھمکی کی کال موصول ہوئی، جس کے بعد پرواز کو ہفتے کی صبح انڈونیشا کے شہر میڈان کے کوالنامو بین الاقوامی ہوائی اڈے کی طرف موڑ دیا گیا۔
میڈیا رپورٹس کے مطابق جہاز میں سوار 378 حجاج اور 13 کریو ممبر محفوظ رہے۔
میڈیا رپورٹس کے مطابق حالیہ دنوں میں حجاج کو لیجانے والی سعودی ائیرلائن کی پرواز کو بم کی جھوٹی اطلاع ملنے کا یہ دوسرا واقعہ ہے۔