لاہور ہائیکورٹ کا سلیمان شہباز کے خلاف جعلی چیک مقدمے کا فیصلہ کالعدم چیف جسٹس عالیہ نیلم کا پانچ صفحات پر مشتمل تحریری فیصلہ جاری
لاہور ہائیکورٹ نے سلیمان شہباز کے خلاف جعلی چیک کے مقدمے کے اندراج سے متعلق ٹرائل کورٹ کا فیصلہ کالعدم قرار دے دیا ہے۔ چیف جسٹس لاہور ہائیکورٹ، محترمہ عالیہ نیلم نے سلیمان شہباز کی درخواست پر پانچ صفحات پر مشتمل تحریری فیصلہ جاری کیا۔
شکایت میں اہم پہلو نظر انداز
تحریری فیصلے میں کہا گیا ہے کہ شکایت کنندہ نے یہ واضح نہیں کیا کہ لیپ ٹاپ کس شخص کے حوالے کیے گئے اور نہ ہی یہ بتایا کہ چیک کس شخص نے انہیں دیا۔ عدالت نے قرار دیا کہ مقدمے کا اندراج کرنے کا اختیار عدالت کو ضرور حاصل ہے، تاہم مقدمے کے دیگر پہلوؤں کو نظر انداز نہیں کیا جا سکتا۔
مکمل ریکارڈ کی ضرورت
فیصلے میں کہا گیا کہ اگر مقدمہ درج کروانا مقصود ہو تو اس کے لیے مکمل ریکارڈ اور شواہد پیش کرنا ناگزیر ہے۔ عدالت نے مزید لکھا کہ سپریم کورٹ کے فیصلوں کی روشنی میں اس نوعیت کے معاملات میں تمام حقائق کی بنیاد پر تفتیش ممکن ہے۔
ٹرائل کورٹ کا حکم کالعدم
عدالت نے درخواست منظور کرتے ہوئے مقدمہ درج کرنے کے حوالے سے ایڈیشنل سیشن جج کا حکم کالعدم قرار دے دیا۔
واضح رہے کہ سلیمان شہباز نے جسٹس آف پیس کی جانب سے مقدمہ درج کرنے کے اقدام کو لاہور ہائیکورٹ میں چیلنج کیا تھا۔
