اسلام آباد: الیکشن کمیشن نے این اے ون چترال سے منتخب رکن قومی اسمبلی عبدالطیف چترالی کو نااہل قرار دے دیا۔
الیکشن کمیشن نے عبدالطیف چترالی کی نااہلی کا نوٹیفکیشن جاری کردیا ہے۔ عبدالطیف چترالی کو 9 مئی واقعات میں سزا یافتہ ہونے پر نااہل کیا گیا۔
الیکشن کمیشن کی جانب سے جاری نوٹیفکیشن کے مطابق رکن قومی اسمبلی کو آرٹیکل 63 ون ایچ کے تحت نااہل کیا گیا ہے۔
الیکشن کمیشن نے این اے ون چترال کی نشست خالی قرار دے دی ہے۔
الیکشن کمیشن نے عبدالطیف چترالی کی نااہلی پر آج ہی فیصلہ محفوظ کیا تھا۔
اس سے قبل انسداد دہشت گردی عدالت سے سزا سنائے جانے کے بعد الیکشن کمیشن سینیٹر اعجاز چوہدری، ایم این اے محمد احمد چٹھہ اور اپوزیشن لیڈر پنجاب اسمبلی احمد خان کی نااہلی کا نوٹیفکیشن بھی جاری کرچکا ہے۔