بلوچستان میں شراب کی فروخت کے اعداد و شمار سامنے آگئے۔
محکمہ ایکسائز بلوچستان کے مطابق صوبے میں 58 افراد کے پاس شراب کی فروخت کا لائسنس ہے۔
محکمہ ایکسائز نے بتایاکہ 2023-24 کے دوران 28لاکھ لیٹر بیئر اور چار لاکھ گیلن شراب بیچی گئی، شراب کی فروخت پر عائد ٹیکس سے ایک ارب کی آمدنی ہوئی۔
اعدادوشمار میں کہا گیا ہے کہ 2023-24کے دوران کوئٹہ میں ایک لاکھ 78 ہزار 867 گیلن شراب اور 7 لاکھ 29 ہزار 167 لیٹر بیئر کی فروخت کی گئی جبکہ حب میں ایک لاکھ 6 ہزار چارسو گیلن شراب اور 8 لاکھ 5 ہزار چارسو لیٹر بیئر فروخت کی گئی۔