کوئٹہ: بلوچستان حکومت نے صوبے میں افغان مہاجرین کے 10 کیمپ مکمل طور پر بند کر دیے ہیں اور ان کیمپوں میں مقیم تقریباً 85 ہزار افغان مہاجرین کو واپس بھیج دیا گیا ہے۔
سرکاری ذرائع کے مطابق بند کیے جانے والے کیمپوں میں:
• کوئٹہ میں 1 کیمپ
• پشین میں 2 کیمپ
• لورالائی میں 3 کیمپ
• چاغی میں 3 کیمپ
• قلعہ ایف اللہ میں 1 کیمپ شامل تھا
صوبے میں مجموعی طور پر تقریباً 5 لاکھ افغان مہاجرین کمشنریٹ میں رجسٹرڈ ہیں۔
کوئٹہ میں کریک ڈاؤن جاری
دوسری جانب کوئٹہ میں افغان مہاجرین کے خلاف کریک ڈاؤن بھی جاری ہے۔ گزشتہ روز شہر سے 3 ہزار 888 غیر قانونی افغان مہاجرین کو گرفتار کیا گیا۔
سرکاری ذرائع کا کہنا ہے کہ یہ اقدامات صوبے میں قانون اور ضابطے کی پاسداری کے لیے کیے جا رہے ہیں تاکہ مہاجرین کی رجسٹریشن اور رہائش کے نظام کو منظم بنایا جا سکے۔
بلوچستان حکومت کی اس کارروائی کے بعد صوبے میں افغان مہاجرین کے کیمپوں اور غیر قانونی رہائش کے حوالے سے مزید اقدامات متوقع ہیں۔