اسلام آباد: وفاقی وزیرِ داخلہ محسن نقوی نے مسلم لیگ (ق) کے سربراہ چودھری شجاعت حسین سے ان کی رہائشگاہ پر ملاقات کی اور ان کے بہنوئی جاوید چٹھہ کے انتقال پر دلی تعزیت کا اظہار کیا۔
وزیر داخلہ نے مرحوم کے ایصالِ ثواب کے لیے فاتحہ خوانی کی اور چودھری شجاعت حسین سے دلی ہمدردی کا اظہار کیا۔ اس موقع پر صوبائی وزیر چودھری شافع حسین بھی موجود تھے۔
سیکیورٹی امور پر بریفنگ
ملاقات کے دوران وفاقی وزیر داخلہ محسن نقوی نے ملک میں داخلی سیکیورٹی اقدامات کے حوالے سے تفصیلی بریفنگ دی۔
چودھری شجاعت حسین نے مجموعی سیکیورٹی صورتحال پر اطمینان کا اظہار کیا اور وزارتِ داخلہ کی کارکردگی کو سراہا۔
شہدائے وطن کو خراجِ عقیدت
دونوں رہنماؤں نے اس موقع پر شہدائے وطن کو شاندار الفاظ میں خراجِ عقیدت پیش کیا اور ملک کے استحکام و امن کے لیے ان کی قربانیوں کو سراہا۔
وزیرداخلہ محسن نقوی کا عزم
وفاقی وزیر داخلہ نے اس عزم کا اعادہ کیا کہ داخلی سلامتی، امن و امان کے قیام اور شہریوں کے تحفظ کے لیے وزارتِ داخلہ ہر ممکن اقدامات جاری رکھے گی۔