لاہور: لاہور کے قذافی اسٹیڈیم میں جاری تین میچوں پر مشتمل ٹی ٹوئنٹی سیریز کے تیسرے اور فیصلہ کن میچ میں پاکستان کے کپتان سلمان علی آغا نے ٹاس جیت کر جنوبی افریقا کو پہلے بیٹنگ کی دعوت دی۔
پاکستانی ٹیم میں دو تبدیلیاں کی گئی ہیں۔ نسیم شاہ اور ابرار احمد کو آرام دیا گیا ہے جبکہ ان کی جگہ شاہین شاہ آفریدی اور عثمان طارق کو ٹیم میں شامل کیا گیا ہے۔
نوجوان فاسٹ بولر عثمان طارق آج اپنا ڈیبیو میچ کھیل رہے ہیں۔ انہیں شاہین شاہ آفریدی نے قومی کیپ دی جبکہ ساتھی کھلاڑیوں نے ان کے لیے نیک خواہشات کا اظہار کیا۔
دوسری جانب جنوبی افریقا کی ٹیم میں بھی تین تبدیلیاں کی گئی ہیں۔
واضح رہے کہ تین میچوں کی سیریز اس وقت ایک، ایک سے برابر ہے اور آج کا میچ سیریز کا فیصلہ کن معرکہ ہوگا۔