سابق قومی کرکٹ ٹیم کے کپتان سرفراز احمد کو پاکستان کرکٹ بورڈ (پی سی بی) نے اہم ذمہ داریاں دے دی ہیں۔ ذرائع کے مطابق سرفراز احمد کو پاکستان شاہینز اور پاکستان انڈر 19 ٹیموں کا انچارج مقرر کر دیا گیا ہے۔
ذرائع کا کہنا ہے کہ نئی ذمہ داریوں کے تحت سرفراز احمد دونوں ٹیموں کے کوچز، ٹریننگ پروگرامز اور دوروں کی نگرانی کریں گے، جبکہ وہ پاکستان شاہینز اور انڈر 19 ٹیموں کے ہمراہ مقامی اور غیر ملکی ٹورز پر بھی جا سکیں گے۔
سرفراز احمد پاکستان میں ہونے والی ٹریننگ کیمپس اور سیریز کے دوران بھی ٹیموں کے ساتھ موجود رہیں گے، جہاں وہ نوجوان کھلاڑیوں کی رہنمائی اور کارکردگی میں بہتری کے لیے کردار ادا کریں گے۔
سرفراز احمد کی یہ تقرری پی سی بی کی جانب سے نوجوان کرکٹرز کی grooming اور ڈومیسٹک ڈھانچے کو مضبوط بنانے کی کوششوں کا حصہ قرار دی جا رہی ہے۔