صدرِ پاکستان آصف زرداری چین کے شہر اُرومچی پہنچ گئے جہاں شنجیانگ ویغور خودمختار ریجن کے گورنر ایرکن تونیاز اور نائب گورنر چن ویجون نے ان کا استقبال کیا۔
پاکستان میں چین کے سفیر جیانگ زائی دونگ بھی اس موقع پر موجود تھے۔ استقبال کے بعد گورنر ایرکن تونیاز نے خصوصی طور پر صدر زرداری کو سٹیٹ گیسٹ ہاؤس تک چھوڑنے پر اصرار کیا اور صدر کے ہمراہ گاڑی میں سوار ہو کر روانہ ہوئے۔صدر آصف علی زرداری کے اس دورۂ اُرومچی سے پاکستان اور چین کے درمیان علاقائی تعاون کو مزید فروغ ملنے کی توقع ظاہر کی جا رہی ہے۔