اسلام آباد: قومی اسمبلی کے اجلاس میں نائب وزیراعظم و وزیر خارجہ اسحاق ڈار نے صحافی و اینکر شمع جونیجو کے ذکر پر وضاحت پیش کی۔
ایوان میں اظہار خیال کے دوران اسحاق ڈار نے ابتدا میں طنزیہ انداز میں کہا کہ “بجلی کے کھمبے بھی لگے ہیں لیکن آپ کو شمع نظر آتی ہے”۔
بعد ازاں انہوں نے وضاحت دیتے ہوئے کہا کہ اقوام متحدہ میں جانے والا جو وفد وزارتِ خارجہ کی جانب سے بھیجا جاتا ہے وہ وزیرِ خارجہ کے دستخط سے جاتا ہے، اور اس وفد میں شمع جونیجو کا نام شامل نہیں تھا۔
نائب وزیراعظم نے مزید بتایا کہ وزیراعظم کا ایک الگ وفد ہوتا ہے جس میں ان کا اسٹاف اور دیگر افراد شامل ہوتے ہیں، اور شمع جونیجو اسی وفد کا حصہ تھیں۔