اسلام آباد: محکمہ پاسپورٹس نے اعلان کیا ہے کہ اب نئے پاکستانی پاسپورٹ میں والد کے ساتھ والدہ کا نام بھی شامل کیا جائے گا۔
محکمہ پاسپورٹس کے مطابق نئے پاسپورٹس میں جدید سکیورٹی فیچرز شامل کیے گئے ہیں جبکہ ویزا پیجز پر مختلف صوبوں کی تاریخی عمارات کی تصاویر بھی پرنٹ کی جائیں گی۔
ترجمان کے مطابق یہ تبدیلیاں جدت، بین الاقوامی ہم آہنگی اور شفافیت کے اصولوں کے تحت کی جارہی ہیں۔
محکمہ پاسپورٹس کا کہنا ہے کہ وزارتِ داخلہ کی منظوری کے بعد نئی پاسپورٹ بُک لیٹس کی چھپائی کا عمل شروع ہو چکا ہے۔
ترجمان نے واضح کیا کہ نئے سکیورٹی فیچرز اور والدہ کے نام کے اندراج کے علاوہ پاسپورٹ کے دیگر حصوں میں کوئی تبدیلی نہیں کی گئی