جنوبی افریقا نے بھارتی سرزمین پر زبردست کارکردگی کا مظاہرہ کرتے ہوئے گوہاٹی ٹیسٹ میں بھارت کو 408 رنز سے شکست دے دی، جس نے بھارتی ٹیم اور شائقین کرکٹ کو حیران کر دیا۔
مہمان ٹیم نے ٹاس جیت کر پہلے بلے بازی کا فیصلہ کیا اور اپنی پہلی اننگز میں 489 رنز اسکور کیے۔ بھارت کی پہلی اننگز میں ٹیم صرف 201 رنز بنا سکی اور 288 رنز کے خسارے میں چلی گئی۔
جنوبی افریقا نے اپنی دوسری اننگز کا آغاز کیا اور 5 کھلاڑی کے نقصان پر 260 رنز بنا کر اننگز ڈکلیئر کر دی۔ بھارت اپنی دوسری اننگز میں 140 رنز بنا سکی اور یوں 408 رنز سے شکست کھا گئی۔
یہ یادگار فتح جنوبی افریقا کے لیے خاص اہمیت رکھتی ہے کیونکہ سنہ 2000 کے بعد پہلی بار بھارتی سرزمین پر ٹیسٹ سیریز جیتی گئی ہے، یعنی 25 سال بعد یہ تاریخی جیت سامنے آئی۔
واضح رہے کہ اس سے قبل ایڈن گارڈن میں کھیلے گئے ٹیسٹ میچ میں بھی جنوبی افریقا نے کھیل کے تیسرے دن بھارت کو صرف 30 رنز سے شکست دی تھی.
