نیپیئر: ویسٹ انڈیز کرکٹ ٹیم کے کپتان شائی ہوپ نے نیوزی لینڈ کے خلاف دوسرے ون ڈے میں شاندار سنچری اسکور کرتے ہوئے انٹرنیشنل کرکٹ میں نئی تاریخ رقم کر دی۔
نیپیئر میں کھیلے گئے میچ میں شائی ہوپ نے 109 رنز کی ناقابلِ شکست اننگز کھیل کر ایسا ریکارڈ اپنے نام کیا جو آج تک دنیا کا کوئی بیٹر نہ بنا سکا۔ اس سنچری کے ساتھ ہی شائی ہوپ تمام 11 ٹیسٹ-playing ٹیموں کے علاوہ نیدرلینڈز اور نیپال کے خلاف بھی سنچری بنا چکے ہیں، جس کے بعد وہ 13 مختلف ٹیموں کے خلاف سنچری اسکور کرنے والے دنیا کے پہلے کھلاڑی بن گئے۔
شائی ہوپ نے کرس گیل اور مہیلا جے وردھنے کو پیچھے چھوڑ دیا
اس فہرست میں شائی ہوپ نے ویسٹ انڈیز کے کرس گیل اور سری لنکا کے لیجنڈ مہیلا جے وردھنے کو بھی پیچھے چھوڑ دیا، جو 12 مختلف ٹیموں کے خلاف سنچریاں بنا چکے تھے۔
ویسٹ انڈیز کے لیے ریکارڈ ساز بیٹر
• شائی ہوپ کی یہ ون ڈے کرکٹ میں 19ویں سنچری تھی
• اس طرح انہوں نے ویسٹ انڈیز کے عظیم بیٹر برائن لارا کے 19 سنچریوں کے ریکارڈ کی برابری کرلی
• ویسٹ انڈیز کی جانب سے سب سے زیادہ سنچریاں کرس گیل کے نام ہیں (25)
میچ کا نتیجہ
ویسٹ انڈیز نے پہلے بیٹنگ کرتے ہوئے 9 وکٹوں پر 247 رنز بنائے، تاہم نیوزی لینڈ نے ہدف 5 وکٹوں کے نقصان پر حاصل کرکے 3 میچوں کی سیریز میں 0-2 کی فیصلہ کن برتری حاصل کرلی۔
شائی ہوپ کا یہ ورلڈ ریکارڈ آئی سی سی کرکٹ کی تاریخ میں انہیں ایک منفرد مقام دلوا گیا ہے۔