وزیراعلیٰ پنجاب مریم نواز شریف کا صوبائی کابینہ کے 27 ویں اجلاس سے خطاب، اہم اعلان اور فیصلے، پائی پائی عوام کی امانت ہے، اللہ تعالیٰ کے سامنے جوابدہ ہیں۔
وزیراعلیٰ پنجاب مریم نواز زیرو ٹیکس بجٹ ہے اور سب سے بڑا ڈویلپمنٹ بجٹ بھی دے رہے ہیں، الحمدللہ،سب سے بڑا ترقیاتی فنڈ ہونے کے باوجود، کوئی مالیاتی سکینڈل سامنے نہیں آیا، پچھلا ترقیاتی بجٹ بھی ایک ریکارڈ تھا، اپنے سارے ریکارڈ خود توڑیں گے۔
پنجاب میں 100نئے اختراعی پروگرام اور پراجیکٹس شروع کیے گئے ہیں جو خود ایک ریکارڈ ہے۔ مریم نواز شریف میسر وسائل سے عوام کی خدمت کررہے ہیں، کامیابی نیت اور محنت سے ملتی ہیں، اس سال گزشتہ برس سے بھی زیادہ محنت کریں گے۔
700 سڑکیں بن رہی ہیں،12ہزار کلو میٹر تعمیر و توسیع ایک بہت بڑا ریکارڈ ہے، عید پر صوبہ بھر میں صفائی کا ریکارڈقائم کیا،ٹیکس بڑھانا آسان ہے لیکن بڑھانے کی بجائے ٹیکس نیٹ پر توجہ دیں گے، پوری توجہ عوام پر مرکوز ہے، ہیلتھ اور ایجوکیشن میں آج تک اتنا بجٹ کی کوئی مثال نہیں ملتی۔
مریم نواز شریف کا کہنا تھا کہ دو چار بڑے پراجیکٹ بنا دیں تو لگتا ہے بڑا کام ہوا یہاں 94نئے پروگرام لیکر آئے ہیں، فری میڈیسن ہر جگہ ملیں گی، اس سال سکولوں میں ضروری سہولتوں کی فراہمی کا ہدف پورا کریں گے، عوام کی خدمت ہماری ذمہ داری ہے،40ہزار سے زائد گھر 40سال میں بھی نہیں بن سکے، عوام کی خدمت اوربھرپور تبدیلی کے لئے وقت بہت کم ہے۔
مریم نواز شریف کا کہنا تھا کہ آئی ایم ایف کی شرائط کو بھی پورا کیا اور 740ارب روپے سرپلس بجٹ بھی دیا، پنجاب میں ایمرجنسی نافذ کرکے ڈیلیور کیا، پی آر اے کی ریونیوکولیکشن سے خوش نہیں،بہتری کی گنجائش موجود ہے، سینئر منسٹر نے رات بھر جاگ کر کام کیا شاباش دیتی ہوں۔
چیف سیکرٹری اور ان کی پوری ٹیم کو بھی مبارکباد دیتی ہوں، نواز شریف بھی ان کی تعریف کرتے ہیں، عوامی خدمت کا تاریخی پیکج پیش کررہے ہیں، ہر ڈیپارٹمنٹ سے متعلق اعداد وشمار زبانی یاد ہیں، فنانشل ڈسپلن کی وجہ سے گورننس میں بہتری آرہی ہے۔
2025-26کا بجٹ ملک کی تاریخ کا لاثانی بجٹ ثابت ہوگا، صوبائی اسمبلی میں پوری پراگریس پیش کریں گے کتنے فنڈ کہاں خرچ ہوئے سب بتائیں گے، ای ٹینڈرنگ اور گڈ گورننس کی وجہ سے کوئی سکینڈل نہیں بنا، جو کامیابی ملی اللہ تعالیٰ نے عطا کی، نیت نیک ہے کام کرتے رہیں گے۔
عید کے موقع پر ستھرا پنجاب نے ریکارڈ قائم کیے، افسران خود سڑکوں پر نکل آئے، شوق سے کام کیا، پنجاب میں ورک ایتھکس تبدیل ہوچکے ہیں، اقتدار اللہ تعالیٰ کی ا مانت ہے اور مخلوق کی خدمت ہمارا مشن ہے۔
وزیراعلیٰ پنجاب کا کہنا تھا کہ سرکاری ملازمین کو کارکردگی کی بنیاد پر ایڈیشنل پرفارمنس بونس دینے کا جائزہ لیں گے، مزدور کو کم از کم اجرت 40ہزار دی جائے،اجرتوں کا سسٹم ڈیجیٹلائز ہونا چاہیے۔
پنجاب میں مقامی قرضوں کی شرح میں 94فیصد ریکارڈ کمی آئی ہے، سینئر منسٹر/وزیر پلاننگ اینڈ ڈویلپمنٹ مریم اورنگزیب اور فنا نس منسٹر نے تفصیلی بریفننگ دی۔
