لاہور میں آج ہلکی بارش کا امکان، فضائی آلودگی میں بہتری — سموگ مانیٹرنگ سینٹر کی رپورٹ

لاہور: پنجاب کے سموگ اور موسمیاتی پیشگوئی کے جدید مرکز کے مطابق 6 اکتوبر کو لاہور میں ہلکی بارش کا امکان ہے جبکہ شہر کا فضائی معیار گزشتہ دنوں کے مقابلے میں بہتر رہے گا۔

پنجاب کے پہلے سموگ مانیٹرنگ اور پیشگی اطلاع کے نظام نے لاہور کے لیے فضائی معیار (AQI) اور موسمی حالات کا تفصیلی ڈیٹا جاری کر دیا ہے۔

فضائی معیار اور موسم کی صورتحال

جاری کردہ رپورٹ کے مطابق 6 اکتوبر کو لاہور کا اوسط اے کیو آئی (AQI) 115 رہے گا، جو درمیانی سطح کی آلودگی کو ظاہر کرتا ہے۔
• رات 12 بجے: اے کیو آئی 115، درجہ حرارت 25 ڈگری سینٹی گریڈ، ہوا کی رفتار 15 کلومیٹر فی گھنٹہ۔
• صبح 5 بجے: اے کیو آئی میں بہتری کے ساتھ 105، درجہ حرارت 21 ڈگری سینٹی گریڈ، ہوا کی رفتار 24 کلومیٹر فی گھنٹہ۔
• صبح 7 بجے: اے کیو آئی دوبارہ 115، درجہ حرارت 20 ڈگری سینٹی گریڈ، ہوا کی رفتار 35 کلومیٹر فی گھنٹہ۔
• دن 11 بجے: اے کیو آئی 120، ہوا کی رفتار 30 کلومیٹر فی گھنٹہ۔
• دوپہر 1 بجے: اے کیو آئی 100، ہوا کی رفتار 28 کلومیٹر فی گھنٹہ۔
• شام 6 بجے: اے کیو آئی 110۔
• رات 9 بجے: اے کیو آئی 125۔
• رات 11 بجے: اے کیو آئی دوبارہ 115 تک گرنے کا امکان۔

شہریوں کے لیے ہدایت

سموگ مانیٹرنگ سینٹر نے شہریوں سے اپیل کی ہے کہ کوڑا کرکٹ یا پتوں کو نہ جلائیں اور گاڑیوں کی باقاعدہ فٹنس چیک کرائیں تاکہ فضائی آلودگی کو کم کیا جا سکے۔

تاریخی اقدام

محکمۂ ماحولیات کے مطابق تاریخ میں پہلی بار صوبائی سطح پر سموگ کی مانیٹرنگ اور موسم کی پیشگوئی کا ایک جدید نظام مکمل طور پر فعال کیا گیا ہے، جو عالمی معیار کے مطابق ڈیٹا فراہم کر رہا ہے۔

ماہرین کے مطابق درخت لگانے، سبزہ بڑھانے اور کھلی زمینوں کے رقبے میں اضافہ سے سموگ اور فضائی آلودگی پر مؤثر انداز میں قابو پایا جا سکتا ہے۔